Polıtsııaǵa eshqaıda shyqpaý týraly qolhat berip, qashyp ketken qylmysker qolǵa tústi
TALDYQORǴAN. QazAqparat - Qazaqstan amaýǵynda izdeýde júrgen uıymdasqan qylmystyq top múshesin tártip saqshylary Taldyqorǵanda qolǵa túsirdi, dep habarlaıdy QazAqparat tilshisi.
2015 jyldan beri jazasyn óteýden qashyp júrgen 32 jastaǵy azamatty Almaty oblystyq ІІD uıymdasqan qylmysqa qarsy kúres basqarmasynyń jedel toby qolǵa túsirdi. 2015 jyly er azamat esirtkimen ustalǵan.
Oblystyq sot sheshimimen qylmysker 4 jylǵa bas bostandyǵynan aırylǵan. Alaıda sol kezdegi tergeý barysynda eshqaıda shyqpaý týraly qolhat berip jáne osy jaǵdaıdy paıdalanyp, qashyp ketken bolatyn.
Іle shala tergeýshiler resmı túrde ony respýblıkalyq deńgeıdegi izdeýge jarııalady. Polıtsııa qyzmetkerlerindegi málimet boıynsha ustalǵan azamat uıymdasqan qylmystyq toptyń múshesi. Qazirgi tańda er azamat sot úkimin kútip, qamaýda otyr.
