Polıtsııaǵa baǵynbaǵan áıel mıllıondap aıyppul tóleýi múmkin
KÓKShETAÝ. QazAqparat - Polıtsııaǵa qarsylyq kórsetken Aqmola oblysynyń turǵyny 2 jylǵa sottalýy nemese 4,8 mıllıon teńge aıyppul tóleýi múmkin, dep habarlaıdy QazAqparat tilshisi.
ІІD baspasóz qyzmetiniń habarlaýynsha, oqıǵa ústimizdegi jyldyń 19 aqpanynda Aqkól aýdanynda bolǵan. Aýdandyq ІІB kezekshilik bólimine jergilikti turǵyn úılerdiń birinde janjal bolyp jatqandyǵy týraly aqparat túsken.
«Oqıǵa ornyna jetken jedel tergeý toby ishimdik ishken eki er adamnyń bir-birimen jaǵa jyrtysyp jatqanyn anyqtaıdy. Tártip saqshylary er adamnyń ekeýin de polıtsııa ýchaskesine jetkizedi. Alaıda, olardyń biriniń azamattyq nekedegi áıeli polıtsııalarǵa qarsylyq kórsetken», delingen baspasóz paraǵynda.
Osyǵan baılanysty, QR QK 380-babynyń 1-bólimi boıynsha sotaldy tergeý amaldary júrgizilýde. Atalǵan sanktsııa boıynsha kúdikti 2 000 AEK, ıaǵnı, 4,8 mıllıon teńge aıyppul tóleýi nemese 2 jylǵa deıingi merzimge sottalýy múmkin.
