Polıtsııaǵa baǵynbaǵan aqmolalyq 4,5 mln teńge aıyppul tóleýi múmkin
KÓKShETAÝ. QazAqparat - Polıtsııaǵa baǵynbaǵan aqmolalyq 4,5 mıllıon teńge kóleminde aıyppul tóleýi nemese 2 jylǵa deıin bas bostandyǵynan aıyrylýy múmkin, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha aǵymdaǵy jyldyń 1 qańtarynda tańǵy saǵat 08:15 mınýt shamasynda Aqmola oblysynyń Arshaly kentindegi jataqhanalardyń birinde araqqa sylqııa toıyp alǵan eki er adam jaǵa jyrtysyp qalǵan. Oqıǵa ornyna dereý jetken ýchaskelik polıtsııa ınspektory olardy ajyratyp, medıtsınalyq tekseristen ótkizý úshin aýdandyq aýrýhanaǵa jetkizgen.
Alaıda, er adamnyń bireýi polıtsııanyń yrqyna kónbeı kúsh kórsetýge tyrysty. Tártip saqshysy buzaqynyń áreketine qarsy turyp,aýdandyq polıtsııa bólimshesine alyp bardy.
Qazirgi kezde, 27 jastaǵy atalǵan er adamnyń ústinen QR QK 380 babynyń 1 bólimi boıynsha qylmystyq is qozǵaldy.
Atalǵan sanktsııa boıynsha kináli 4,5 mıllıon teńge kóleminde aıyppul tóleýi nemese 2 jylǵa deıin bas bostandyǵynan aıyrylýy múmkin.
Sonymen qatar, 2016 jyldyń 30 jeltoqsanynda patrýldik-jol polıtsııasynyń qyzmetkerlerin balaǵattaǵan Aqkól aýdanynyń turǵynyń ústinen de QR QK 378 babynyń 1 bólimi boıynsha qylmystyq is qozǵalyp, sotqa deıingi tergeý amaldary júrgizilýde. Onyń kinási dáleldense, 100 AEK kóleminde aıyppul tóleýi nemese 45 táýlikke qamalýy múmkin.
