Polıtsııadan qashqan reseılik Soltústik Qazaqstanda 9 jyl jasyrynyp júrgen
PETROPAVL. QazAqparat - 42 jastaǵy reseılik Soltústik Qazaqstanda 9 jyl boıy polıtsııadan qashyp, jasyrynyp júrgen, dep habarlaıdy QazAqparat tilshisi.
2009 jyly Hanty-Mansıısk qalasynyń polıtsııasy oǵan urlyq jasady degen kúdikpen izdeý salady. Sol mezette kúdikti RF aýmaǵynan shyǵyp úlgeredi. Er adam Soltústik Qazaqstanda turatyn jerin jıi almastyryp otyrǵan. Aqsha isteý úshin keıde Petropavlda, keıde aýdandarda júre bergen.
«Tártip saqshylaryna izdeý jarııalanǵan kúdiktiniń boljaldy orny týraly habar keldi. Eki aptaǵa sozylǵan shara nátıjesinde qylmystyq polıtsııa qyzmetkerleri kúdiktini ustady», - dep málimdedi oblystyq ІІD baspasóz qyzmeti.
Qylmystyq polıtsııa basqarmasynyń bastyǵy Petr Klımov jyl basynan beri oblysta 27 qylmyskerge izdeý jarııalanyp, sonyń 21-i ustalǵanyn jetkizdi. Ustalǵandardyń tórteýi aýyr jáne erekshe aýyr qylmystar jasady degen kúdikke ilikken.
Oblys polıtseıleri TMD elderiniń ishki ister organdary izdeý salǵan 10 adamdy anyqtap, ustaǵan. Al Soltústik Qazaqstan polıtseıleri úshin jaqyn shetelderde 7 kúdiktige izdeý salynyp, anyqtalǵan.
Foto: screen-ad.ru
