Polıtsııadan 23 jyl boıy boı tasalap júrgen ákki qylmysker qolǵa tústi
ASTANA. QazAqparat - Ýrýgvaıda uzaq jyldar boıy quqyq qorǵaý organdary tarapynan izdeýde júrgen Italııa mafııalarynyń biri qolǵa tústi. Ol quqyq qorǵaý organdarynan 23 jyl boıy boı tasalap júrgen, dep jazdy búgin utro.ru.
Polıtsııanyń osy iske qatysty taratqan málimetterine qaraǵanda, Morabıto ıtalııalyq polıtsııa izdeý salǵanǵa deıin Pýnta-del-Este kýrortty qalasynda jalǵan qujatpen júrgen. Ýrýgvaı eliniń bıligi Morabıtonyń onda 10 jyldan astam ýaqyt ómir súrgendigin jetkizdi.
Italııada Morabıtoǵa esirtkini kontrabandalaý úshin mafııalyq top uıymdastyrdy degen aıyp taǵylyp otyr. Esirtkiniń Ońtústik Amerıkadan Italııaǵa tasymaldaý isine jaýap beretin ol «Mılannyń kokaın koroli» dep ataǵan.
Polıtsııanyń málimetterinshe, Brazılııadan Italııaǵa jetkizilgen júzdegen keli kokaın de Morabıtonyń moınynda.
