Polıtsııa jyl basynan beri joǵalyp ketken 48 pavlodarlyqty tapty
PAVLODAR. QazAqparat - Jyl basynan beri polıtsııaǵa Pavlodar oblysy turǵyndarynan iz-túzsiz joǵalyp ketý faktisi týraly 54 ótinish túsken, dep habarlaıdy QazAqparat tilshisi.
«Bıyl jyl basynan beri polıtsııa bólimine azamattardyń iz-túzsiz joǵalyp ketý faktisi týraly 54 ótinish pen habar túsken. Polıtsııa qyzmetkerleriniń qoldanǵan sharalarynyń arqasynda bir táýlikte 42 azamattyń qaıda ekeni anyqtalǵan, sonyń ishinde 9-y kámelettik jasqa tolmaǵan», - dep habarlady búgin Pavlodar oblystyq polıtsııa departamentiniń baspasóz qyzmeti jýrnalısterge.
Quqyq qorǵaý organdarynyń derekteri boıynsha, taǵy 6 pavlodarlyqtyń mekenjaıy izdestirý isi qozǵalǵannan keıin anyqtalǵan.
«Qazirgi ýaqytta iz-túzsiz joǵalǵan tulǵalardy anyqtaý boıynsha jedel-izdestirý jáne izdeý is-sharalar kesheni júrgizilip jatyr», - dedi polıtsııa.
Azamattardyń joǵalý sebepteri ártúrli: eskertýdi, habarlasýdy umytyp ketý, dostarynda qalyp qoıý, jolǵa shyǵa almaý jáne t.b.
«Qazirgi ýaqytta 6 azamat tabylǵan joq», - dep atap ótti óńirdiń polıtsııa departamentinde.
