Polıtsııa júrip bara jatqan poıyzǵa sekirgen er adamǵa aıyppul saldy
NUR-SULTAN. QazAqparat – Kóliktegi polıtsııa qyzmetkerleri júrip bara jatqan «Atyraý-Almaty» poıyzynyń vagondaǵy basqyshyna sekirgen er adamǵa aıyppul saldy, dep habarlaıdy QazAqparat tilshisi Kóliktegi polıtsııa departamentiniń baspasóz qyzmetine silteme jasap.
«7-14 tamyz aralyǵynda temir jol jelisiniń ruqsat etilmegen ornynan ótkeni úshin 486 azamat ákimshilik jaýapkershilikke tartyldy», - dep habarlaıdy Kóliktegi polıtsııa departamentiniń ákimshilik polıtsııa basqarmasynyń bastyǵy Jasulan Báıkenov.
Onyń aıtýynsha, apta ishinde shuǵyl túrde tejelýdiń 70 jaǵdaıy tirkelgen. ıAǵnı, poıyzdar adamnyń kesirinen 14 márte, maldyń qaraýsyz jaıylýy saldarynan 53 ret, toqtaýǵa májbúr bolǵan. Eki jaǵdaıǵa stop-kranǵa baılanysty olqylyq sebep bolǵan.
Máselen, 7 tamyzda kóliktegi polıtsııa qyzmetkerleri stop-krandy «Atyraý - Almaty» baǵytyndaǵy poıyz vagondarynyń biriniń jolserigi paıdalanǵany anyqtaǵan. Jolseriktiń aıtýyna qaraǵanda, belgisiz bir er adam jol ortadan sekirip, qozǵalyp bara jatqan poıyzǵa jarmasa ketken kórinedi. Onyń ómiri úshin qoryqqan jolseriktiń stop-krandy julyp alýdan basqa amaly qalmapty.
Quqyq buzyp júrgen 41 jastaǵy er adam bolyp shyqty. Ol óziniń abaısyzdyǵy saldarynan vagonyna úlgere almaı, poıyzdyń qozǵalyp ketkenin kórip, basqyshyna sekirgen.
Kóliktegi polıtsııler oǵan qatysty ákimshilik hattama toltyryp, aıyptyǵa 5 AEK kóleminde aıyppul saldy. Aqyry, bir adamnyń saldarynan poıyz 5 mınýtqa keshikken.
«Stop-krandy tek birneshe jaǵdaıda ǵana paıdalaný kerek. Eger vagonnan jolaýshylardyń ómirine qaýip tónetindeı belgili bir olqylyq shyqsa, órt laýlasa qosý kerek. Al poıyz kópirdiń astynda nemese ústinde tursa, ony paıdalanýǵa bolmaıdy», - dedi polıtsııa podpolkovnıgi.
