Polıtsııa júrgizýshilerdi jolda múmkindiginshe muqııat bolýdy ekertti

NUR-SULTAN. QazAqparat – Kún raıynyń qolaısyzdyǵyna baılanysty polıtseıler júrgizýshilerge jol qozǵalysy erejelerin saqtaý qajettiligi týraly eskertý jasady, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.

«Nazar aýdaryńyz! Jol qozǵalysynyń barlyq qatysýshylaryna kún raıynyń buzylýyna baılanysty Nur-Sultan qalasynyń Polıtsııa departamenti júrgizýshilerdi jol júrý erejelerin qatań saqtaýǵa, belgilengen jyldamdyqty asyrmaýǵa, qajetti qashyqtyqty saqtaýǵa shaqyrady jáne talap etedi. Qurmetti jaıaý júrginshiler! Qaýipsizdik sharalaryn saqtaı otyryp, belgilengen oryndarda jol bóligin baǵdarshamnyń ruqsat etilgen belgisine ótińizder», - delingen habarlamad.

«Ótken táýlikte elordada 65 jol-kólik oqıǵasy tirkeldi»,-dep habarlaıdy elorda Polıtsııa departamentiniń baspasóz qyzmeti.

Vedomstvo ókilderi júrgizýshilerden qozǵalys kezinde barynsha muqııat jáne saq bolýdy, jyldamdyq rejımin, qaýipsiz qashyqtyqty saqtaý kerektigin eskertedi.

«Jańbyr kezinde, qolaısyz kún raıynda jaıaý júrginshiler kele jatqan kólikterdi kórmeıdi, sondyqtan abaı bolý kerek»,-delingen habarlamada.