Polıtsııa jumysyn adal atqarmasa, qur jazany qataıtýmen jol qaýipsizdigin jaqsarta almaspyz - R. Sárpekov

ASTANA. 5 qarasha. QazAqparat - Eger polıtsııa óz mindetterin adal atqarmaıtyn bolsa, onda qur jazany qataıtýmen joldaǵy qaýipsizdikke tolyqqandy qol jetkize almaımyz. Bul týraly búgin Májiliste jol qozǵalystary máselesine arnalǵan zań jobasy boıynsha jumys tobynyń otyrysynda depýtat Ramazan Sárpekov osylaı málim etti.

«Jyl saıyn jol-kólik apatynyń sany artyp otyrǵany eshqandaı syndy kótere almaıdy. Eger 2012 jyly bunyń kórsetkishi 2174 qurasa, aǵymdaǵy jyldyń 9 aıynda aıtarlyqtaı artyp ketken. Sonymen qatar, kólikti mas kúıinde júrgizetin júrgizýshilerdiń sany da kúrt kóbeıgen. Buǵan deıin júrgizýshilik quqyǵynan aıyrylǵandardyń qaıta rýlge otyrý faktileri de tirkelip jatyr. Sonda jol polıtsııasy qaıda qarap otyr?» - deıdi R. Sárpekov.

Onyń aıtýynsha, depýtattar Jol qozǵalysy erejelerin buzýshylarǵa jazany kúsheıtetin zań normalaryn qoldaıdy. «Alaıda, eger polıtseıler óz mindetterin adal atqarmaıtyn bolsa, onda jazany kúsheıtip, aıyppuldardy arttyryp qana joldaǵy qaýipsizdikti qalpyna keltiremiz deýdiń reti joq», - dedi depýtat.