Polıtsııa jol boıyndaǵy adamdarǵa pyshaq ala júgirgen er adamdy atyp tastady
ASTANA. QazAqparat - Tallın ortalyǵynda jalańaıaq er adam qolyna pyshaq alyp júrgen. Estonııa polıtsııasy Tallın ortalyq alańynda jolda ketip bara jatqan adamdardy pyshaqpen qorqytyp júrgen er adamdy atyp tastady. Bul týraly ERR.ee basylymy habarlady.
Polıtsııaǵa Vabadýze alańyna qaraı qolynda pyshaǵy bar jalańaıaq er adamnyń kele jatqanyn habarlaǵan. Quqyq qorǵaýshylar oǵan sýyq qarýdy tastaýyn talap etken, alaıda er adam olardyń sózin qulaqqa ilmegen. Olar eskertý retinde úsh ret aspanǵa oq atqan.
«Budan keıin er adam polıtseılerge qaraı júgirgennen keıin, olar er adamdy atyp tastaǵan», - dep habarlady polıtsııa.
Aýyr jaraqatymen Soltústik Estonııa óńirlik aýrýhanasyna jetkizilgen er adam qaıtys bolǵan. Oqıǵa kezinde eshkim zardap shekpedi.
