Polıtsııa jedel jərdem júrgizýshisin urǵan kúdiktini qamaýdan bas tartty
ALMATY. QazAqparat - Polıtsııa jedel járdem júrgizýshisin urǵan Túrkııa azamatyn kepilge alý týraly prokýratýra sheshimin qaıta qaraýǵa bergen aryzyn qaıtyp aldy, dep habarlaıdy QazAqparat tilshisi.
«Qajettiliktiń joıylýyna baılanysty bultartpaý sharasyn qaıta qaraýǵa jibergen aryzdy qarastyrmaı, Álı Demırge qatysty materıaldardy qaıtarýyńyzdy suraımyn», - dedi Almaly aýdandyq ІІB tergeý bóliminiń tergeýshisi A.Baıdýlla.
Munyń aldynda polıtsııa Almaly aýdandyq prokýrorynyń kúdiktini kepilmen bosatý týraly sheshimine qarsy shyqqanyn habarlaǵan bolatynbyz.
Eske sala ketsek, Almatyda jolǵa talasqan azamat jedel járdem júrgizýshisin soqqyǵa jyqty. Sol kúni Almaty polıtsııasy 1990 jyly týǵan Túrkııa azamatyn, ıaǵnı Folksvagen Passat kóliginiń júrgizýshisin ustady.
13 jyldan beri jedel járdemde jumys isteıtin Nıkolaı Kýchma ashýshań júrgizýshini jazasyz qaldyrmaýǵa bekinip otyr.
