Polıtsııa jasóspirimdi qaǵyp, oqıǵa ornynan qashyp ketken júrgizýshini izdestirýde
ASTANA. Qazannyń 25-i. QazAqparat - Astana qalasynyń jol polıtsııasy basqarmasy jaqynda elordada jaıaý júrginshini qaǵyp, oqıǵa ornynan qashyp ketken júrgizýshini tabý maqsatynda buqaralyq aqparat quraldary arqyly habarlandyrý jasady.
Vedomstvonyń baspasóz qyzmetinen habarlaǵandaı, jol-kólik oqıǵasy qazannyń 16-synda saǵat 07.45-niń shamasynda oryn alǵan. Markasy ázirge anyqtalmaǵan kúńgirt tústi sheteldik kóliktiń júrgizýshisi baǵdarshamnyń jasyl kózi janyp turǵan kezde joldan ótip bara jatqan 14 jastaǵy jasóspirimdi qaǵyp ketip, oqıǵa ornynan izin jasyrǵan.
«Jasóspirim mıy shaıqalǵan, oń jambasynan qatty soqqy alǵan jáne bas súıeginiń jabyq jaraqaty tirkelgen. Oqıǵanyń mán-jaıyn anyqtaý maqsatynda, kýágerlerden 53-22-53, 53-27-76, 53-22-63, 8 775 3821717, 8701 5508883 telefondary arqyly Astana qalasynyń jol polıtsııasy basqarmasyna habarlasýdy suraımyz», delingen vedomstvonyń habarlamasynda.
