Polıtsııa Japonııada zilzalanyń saldarynan 413 adamnyń qaza bolǵanyn rastady

Taǵy 1 myńnan astam adam jaralanǵan. Bul týraly búgin eldiń Bas polıtsııa basqarmasynan habarlady. Buǵan deıingi aqparattarda 287 adamnyń qazasy týraly aıtylǵan bolatyn, dep habarlaıdy «RIA «Novostı» agenttigi.

«Saǵat 11.30-daǵy jaǵdaı boıynsha (máskeý ýaqyty boıynsha 05:30), 413 adam mert bolǵan, 784 adam iz-túzsiz joǵalyp ketken, taǵy 1128 adam túrli jaraqat alǵan», - dep habarlady jýrnalısterge basqarma ókili.

Esterińizge sala keteıik, sońǵy jyldardaǵy eń qýatty zilzala Tokıonyń soltústik-shyǵysyna qaraı 373 shaqyrym qashyqtyqta ornalasqan Mııagı profektýrasynyń jaǵalaýynda boldy. Zilzala magnıtýdasy 8,9 baldy quraǵan. Jer silkinisi tsýnamıge sebep bolyp, keıbir aýdandarda tolqynnyń bıiktigi 10 metrden asqan.