Polıtsııa jańajyldyq mereke qarsańynda astanalyqtardyń urylardan saq bolýyn eskertti
NUR-SULTAN. QazAqparat – Nur-Sultan qalasynyń Polıtsııa departamenti elorda turǵyndary men qonaqtarynyń ury-qarydan saq bolýyn eskertti, dep habarlaıdy QazAqparat.
Jańajyldyq merekeler qarsańynda elordalyq polıtsııa qala turǵyndary men qonaqtaryna qalta urylarynyń qurbany bolmaý úshin qaýipsizdik erejelerin saqtap, muqııat bolýdy eskertedi.
Urylar qoǵamdyq kólikte, avtobýs aıaldamalarynda, halyq kóp jınalatyn oryndarda júredi. Mereke aldyndaǵy qarbalas kúnderi olar turǵyndardyń salǵyrttyǵyn utymdy paıdalanady. Ásirese, uıaly telefondar men ámııandar basty oljaǵa aınalady.
Polıtsııa aqshańyzdy artqy qaltaǵa salmaýǵa, qoǵamdyq kólikte jeke zattardy muqııat qadaǵalaýǵa jáne qundy zattardy adam kóp jınalatyn jerde ustamaýǵa keńes beredi.
Polıtsııa departamenti urylardyń sýretterin taratty.
«Eger zańsyz áreket jasaǵan azamattar týraly aqparat bolsa, Polıtsııa departamenti Beıbitshilik kóshesi, 19 mekenjaıyna nemese telefon arqyly 71-61-71, 71-62-47, sot. 8-747-731-83-19, 102 nómirlerine qońyraý soǵýdy suraıdy», - dep habarlady Polıtsııa departamentiniń baspasóz qyzmeti.
