Polıtsııa vıdeosy jelide taraǵan jumysshylar arasyndaǵy tóbelestiń mán-jaıyn túsindirdi
NUR-SULTAN. QazAqparat – Nur-Sultan qalalyq Polıtsııa departamenti vıdeosy jelide taraǵan, jumysshylar arasyndaǵy tóbelestiń qaıda jáne qashan bolǵanyn habarlady.
Qalalyq Polıtsııa departamentiniń baspasóz qyzmeti taratqan málimetterge qaraǵanda, áleýmettik jelige júrgizilgen monıtorıng barysynda qurylys nysanynda jumysshylardyń tóbelesip jatqany túsirilgen vıdeo anyqtalǵan.
Oqıǵa 6 tamyz kúni kúndiz Sh.Qaldaıaqov kóshesiniń boıyndaǵy qurylys nysanynda bolǵan. Qurylysshylar arasynda janjal týyp, arty tóbeleske ulasqan.
Tóbeleske qatysýshylardyń barlyǵynyń aty-jóni anyqtalyp, polıtsııaǵa jetkizildi.
«Oqıǵa bolǵan ýaqytta polıtsııanyń 102 nómirine eshkim qońyraý shalmaǵan. Anyqtalǵan jáıt boıynsha qylmystyq is qozǵalyp, tergeý júrip jatyr»,-delingen habarlamada.
