Polıtsııa vedomstvosynyń qajettiligi úshin 7 mlrd teńge bólinbekshi - Aqmola oblysy
KÓKShETAÝ. QazAqparat - Aqmola oblysynyń ákimi Ermek Marjyqpaev jergilikti PD ótken alqaly jıynǵa qatysty. Vedomstvonyń ótken jylǵy jumys qorytyndysy týraly PD bastyǵy Armanbek Baımýrzın esep berdi, dep habarlaıdy QazAqparat tilshisi.
Departament bastyǵy óz baıandamasynda óńirde qoǵamdyq tártipti saqtaý jáne jol qaýpisizdigin qamtamasyz etý boıynsha atqarylyp jatqan sharalarǵa toqtaldy.
Kókshetaý qalasynda málimetterge bazasyna qosylǵan kompıýter tehnıkasymen jabdyqtalǵan polıtsııanyń 6 statsıonarlyq beketine túsken jedel habar nemese azamattardyń ótinishteri boıynsha barlyq narıadqa birden habar berýge bolady. Osy arqyly kóshedegi qylmys sany 21,4 paıyzǵa kemidi. Múlik urlyǵynyń ishinde páter tonaý jáne mal urlyǵy beleń alyp otyr.
Sonymen qatar, jıynda brakonerlermen kúres, jasóspirimder qylmysyn aldyn alý, qylmystyq isterdi tergeý, esirtki qylmysyn qarsy áreket etý sharalary aıtyldy. Budan bólek, jedel májiliste qaralǵan máseleniń biri – ol jemqorlyqty qarsy is-qımyl, jeke quramnyń zańdylyq pen tártipti saqtaýy boldy.
Aımaq basshysy Ermek Marjyqpaev aqmolalyq polıtseılerge qaýipsizdikti arttyrý jáne quqyqtyq tártipti qamtamasyz etý týraly naqtyly mindetter júktedi. Onyń ishinde turǵyndardyń polıtsııaǵa degen senimin arttyrýǵa, vedomstvo jumysynyń ashyqtyǵy men tazalyǵyna kóńil bóldi.
Aımaq basshysy polıtsııanyń ýchaskelik ınspektorlaryna quqyqbuzýshylyqty aldyn alý sharalaryn jarııalaý arqyly júzege asyrý qajettigin aıtty. Qys aılarynda mal urlyǵyna, jol-kólik oqıǵalaryna jol bermeýge jáne qatań baqylaýda ustap otyrýdy, aýmaqty abattandyrý jumystaryn birlesip sheshýdi tapsyrdy.
«Aǵymdaǵy jyly polıtsııa vedomstvosynyń qajettiligi úshin 7 mıllıard teńge bólinbekshi. Bul oblys ortalyǵynda beınebaqylaý júıesin keńeıtýge, qosymsha stantsıonarlyq beket salýǵa, sondaı-aq, Şýche-Býrabaı ján Zerendi kýrorty aımaǵynda polıtsııa qyzmetkerlerin 100 paıyz planshet, vıdeoregıstrator, qyzmettik avtokólikpen qamtamasyz etýge múmkindik beredi. Aǵymdaǵy jyly aýqymdy jumystar atqaryldy. Memleket basshysy men ІІM bergen tapsyrmalar oryndaldy. Bıylǵy jyly nátıjeli bolý úshin jumysty odan ári shıratý qajet», - dedi E.Marjyqpaev.
Jıyn sońynda aımaq basshysy Esil, Ereımentaý jáne Tselınograd aýdandaryndaǵy vedomstvo basshylaryna Qurmet gramotalaryn tapsyrdy.
