Polıtsııa úsh táýlikten beri 17 jastaǵy aqtóbelikti tappaı jatyr
AQTÓBE. QazAqparat – Aqtóbe oblysy, Temir aýdanynyń turǵyny Súleıman Esenalıev úsh táýlikten beri tabylmaı jatyr, dep habarlaıdy QazAqparat tilshisi.
Temir aýdany, Birlik aýylynyń turǵyny Súleıman Esenalıev 24 qarasha kúni úıinen shyǵyp ketken. Saǵat 18:00-den keıin ulyn izdegen ata-ata 25 qarasha kúni polıtsııadan kómek surap otyr.
«Qazir jan-jaqty izdeý jumysy júrip jatyr. Іzdeýge 22 polıtsııa, 12 aýyl ákimshiliginiń qyzmetkeri jumyldyryldy. Aýyldyń 30 turǵyny men mekteptiń 10 muǵalimi de bar. Qandaı da bir aqparat biletin adamdar bolsa myna nómirlerge habarlasýyńyzdy suraımyz: 8771 786 66 66, 8776 546 66 66 nemese 102», - dedi oblystyq PD baspasóz qyzmetiniń jetekshisi Erbolat Sarqulov.
Joǵalǵan Súleıman Esenalıevtiń boıy shamamen 170-175 sm, qaratory. Qulaq tusy tesilgen, shashy qyrylǵan. Ústinde kók tústi kúrteshe, qara shalbar, báteńke kıgen.
