Polıtsııa urylardy emes, kólik ıesin jazaǵa tartty
ASTANA. QazAqparat - Reseıdiń Lenıngrad oblysynyń turǵyny úsh aılyq balasyn kólikte qaldyryp, dúkenge kirgen. Sol eki arada urylar onyń Cadillac Escalade kóligin aıdap ketti, dep habarlaıdy QazAqparat RIA Novostı agenttigine silteme jasap.
34 jastaǵy kelinshek birden polıtsııaǵa habarlasyp, aryz túsirgen. Kóliktiń ishinde úsh aılyq náresteniń da bolǵanyn jetkizdi. Tártip saqshylar oqıǵa ornyna barsa, aryz túsirgen kelinshektiń kóligi ornynda tur. Sóıtse, urylar artqy oryndyqta úsh aılyq náresteniń jatqanyn kórgennen keıin kólikti ıesine qaıtaryp bergen. Sol jerde basqa mashınaǵa otyryp, izderin jasyrǵan. Bala zardap shekken joq. Alaıda onyń anasyna qatysty qylmystyq is qozǵaldy. Endi, ol óz balasyn qaýipti jaǵdaıda qaldyrǵany úshin zań aldynda jaýap beredi. Ázirshe, odan eshqaıda ketpeý týraly qolhat alyndy.
