Polıtsııa ýchastogyna túsken balaǵa durys qarym-qatynas jasalmaıdy - Túrme reformasynyń ókili
ASTANA. QazAqparat - 2014 jyly Qazaqstan, Qyrǵyzstan jáne Tájikstan elderi boıynsha kámelettik jasqa tolmaǵandar arasynda ótken zertteýge súıensek, polıtsııa ýchastogyna túsken balaǵa jalpy durys qarym-qatynas jasalmaıtyny anyqtalǵan. Bul týraly búgin taǵdyr tálkegine túsken balalardy zorlyq-zombylyqtan qorǵaý jáne olardyń quqyqtaryn saqtaý máseleleri jónindegi ortaazııalyq dıalog barysynda Orta Azııadaǵy Halyqaralyq túrme reformasynyń aımaqtyq dırektory Azamat Shámbilov málim etti.
"2014 jyly Qazaqstan, Qyrǵyzstan jáne Tájikstan elderinde kámelettik jasqa tolmaǵandar arasynda ózekti zertteý ótti. Zertteý aıasynda isti bolǵan kámelet jasyna tolmaǵan 210 bala suraldy. Saýalnamaǵa qatysqandardyń 20%-y psıhologııalyq turǵyda qatty qysym kórgenderin, 17%-y jeńil-jelpi uryp-soǵýǵa tap bolǵanyn, al 30%-y ózderin qatty uryp-soqqandaryn aıtqan", - deıdi A.Shámbilov.
Onyń málimetine súıensek, balalarǵa qatysty zorlyq-zombylyq kóbine nazardan tys qalady, bul zań buzýshylyqqa qatysty áreketsizdik baıqalady. BUU-nyń zorlyq-zombylyqqa qatysty zertteýi kórsetkendeı, kóbine asyraý oryndaryndaǵy balalar jáne sottalǵan balalar áli de zorlyq-zombylyqqa ushyrap keledi.
