Polıtsııa túrmeden qashqan asa qaýipti qylmyskerlerdiń tórteýin ustady, úsheýi - bostandyqta
ASTANA. 25 qarasha. QazAqparat - Albanııada tórt qylmysker ustaldy. Olar Korcha qalasynyń aýdanynda túrme baqylaýshylaryn kepildikke alyp, keıinnen qashyp ketken.
Polıtsııa taǵy úsh qylmyskerdi izdestirip jatyr.
Bul oqıǵa senbi kúni bolǵan. Oq atqysh qarýmen qorqytqan jeti qylmysker baqylaýshylardy kepildikte ustap, artynsha izderin sýytqan. Qashqyndardyń bári - asa qaýipti qylmyskerler. Olardyń tórteýi ómir boıy túrmede otyrý jazasyn ótep jatqandar. Al úsheýi 12-den 25 jylǵa kesilgender.
Eldiń ІІM habarlaǵandaı, túrme dırektory jumystan bosatyldy, 21 baqylaýshy ustaldy.
