Polıtsııa «Tobyl» men «Aqtóbe» jankúıerleriniń qaqtyǵysyna túsinik berdi

QOSTANAI. QazAqparat – Polıtsııa departamenti «Tobyl» jáne «Aqtóbe» jankúıerleriniń qaqtyǵysy kórsetilgen áleýmettik jelilerde taraǵan vıdeoǵa túsinik berdi, dep habarlaıdy QazAqparat tilshisi.

Polıtsııanyń habarlaýynsha, match bastalardan jarty saǵat buryn «Plaza» saýda úıiniń janynda «Aqtóbe» jankúıerleri pırotehnıkalyq quraldardy qoldana otyryp, qoǵamdyq tártipti buzýǵa áreket jasaǵan.

«Polıtsııa qyzmetkerleri bul áreketti der kezinde toqtatty, eń belsendi jankúıerlerge sport jáne oıyn-saýyq is-sharalaryn ótkizý men uıymdastyrý tártibi týraly zańnamany túsindirdk. Sondaı-aq match ótkizilgen «Tobyl Arenaǵa» kireberiste tyıym salynǵan zattardy anyqtaý jáne alyp qoıý maqsatynda kórermender tekserildi. Ári qaraı qoǵamdyq tártipti buzý faktileri bolǵan joq», - dep túsindirdi vedomstvodan.

Polıtsııa ákimshilik yqpal etý sharalary qoldanylmaǵanyn atap ótti.

Óıtkeni bul úshin ákimshilik quqyq buzý quramynyń barlyq qajetti sýbektıvti jáne obektıvti belgileri bolýy tıis.

Buǵan deıin jelide Qostanaıda ótken fýtbol matchynda eki komandanyń jankúıerleriniń qaqtyǵysyp qalǵany túsip qalǵan vıdeo taraǵan bolatyn.

«Tobyl» men «Aqtóbe» arasyndaǵy match qostanaılyq komandanyń jeńisimen 1:0 esebimen aıaqtaldy.

Vıdeodan alynǵan kadr