Polıtsııa Strasbýrg ortalyǵynda jurtqa oq atqan er adamdy atyp óltirdi
STRASBÝRG. QazAqparat - Strasbýrg qalasynyń ortalyǵynda atys jasady degen kúdikke ilingen Sherıf Shekat beısenbi kúni tańerteń óltirildi. Bul týraly Frantsııa eliniń ishki ister mınıstri Krıstof Kastaner baspasóz konferentsııasynda málim etti, dep habarlaıdy «QazAqparat» tilshisi.
Mınıstrdiń aıtýynsha, beısenbi keshinde úsh adamnan qurylǵan polıtsııa jasaǵy Strasbýrg kósheleriniń birinen izdeýde bolǵan qylmyskerge uqsas er adamdy baıqaǵan.
Tártip saqshylary ony toqtatpaq bolǵan, biraq Sherıf Shekat olarǵa qaraı oq jaýdyra bastaǵan. Quqyq qorǵaý organdarynyń qyzmetkerleri oǵan oq atyp, qylmyskerdi óltirdi.
Eske salsaq, seısenbi kúni keshkilik Strasbýrg qalasynyń ortalyǵynda, rojdestvolyq jármeńkege jaqyn mańda adamdarǵa atys qarýynan shabýyl jasaldy. Sońǵy málimetter boıynsha, 3 adam qaza taýyp, 13 adam jaraqattandy. El bıligi bul qylmysty lańkestik aktisi dep tanydy.
