Polıtsııa Shymkent balabaqshasyndaǵy balanyń moıynyndaǵy jaraqatqa qatysty oqıǵany tekseredi
ShYMKENT. QazAqparat - Shymkenttegi balabaqshaǵa qatysty oqıǵa boıynsha meńgerýshi men tárbıeshi qatań sógis aldy. Qalalyq bilim berý bólimi basshysynyń orynbasary Kúlzına Ýálıhanovanyń aıtýynsha, «Suńqar» balabaqshasynnyń meńgerýshisi men tárbıeshisi qatań sógis alǵan.
Sondaı-aq, tárbıeshi óz erkimen jumystan ketýge ótinish jazǵan. 4 jasar Mark Hadjıev moıynynan jaraqat alǵasyn daý shyqqannan keıin, mekeme qyzmetkerleri tártiptik jaýapkershilikke tartylyp otyr.
Balanyń ata-anasy polıtsııaǵa aryzdandy. Onda qazir QR QK-niń 141-baby boıynsha sotqa deıingi tergeý júrgizilýde. Qazir tergeýshiler jaraqattyń sebepterin anyqtaý úshin júrgizilgen saraptama qorytyndysyn kútip otyr.
