Polıtsııa Shvartseneggerge vokzalda velosıpedpen júrýge tyıym saldy
ASTANA. QazAqparat - Germanııanyń Mıýnhendegi ortalyq vokzalynda qoǵamdyq qaýipsizdikti saqtaıtyn polıtsııa velosıpedpen júrgen akter Arnold Shvartsenegger men onyń kúzetshisin ustady. Akter tártip buzǵany úshin eskertý aldy. Polıtsııa onymen birge sýretke tústi, dep habarlaıdy dw.com.
Ofıtser Stefan Shmıtt temirjol platformasynda adamdar arasynda kele jatqan eki velosıpedshini baıqaǵan. Polıtsııa birinshi kúzetshini toqtatqan, ol: «óz klıentinen qalyp qoımaý úshin eki dóńgelekti kólik kerek» dep túsindirgen.
Onyń klıenti tanymal akter, sportshy, AQSh-tyń Kalıfornııa shtatynyń burynǵy gýbernatory 69 jastaǵy Arnold Shvartsenegger bolyp shyqqan. Akter uzaq jerge jaıaý bara almaıtyndyǵyn aıtyp aqtalǵan.
