Polıtsııa sherý kezinde qaýipsizdik sharalaryn kúsheıtpek
ALMATY. QazAqparat - Almaty polıtsııasy «Batyrlarǵa taǵzym sherýi» kezinde qaýipsizdik sharalaryn kúsheıtpek, dep habarlaıdy QazAqparat tilshisi.
Qalalyq Polıtsııa departamentiniń habarlaýynsha, Jeńis merekesine oraı uıymdastyrylatyn «Batyrlarǵa - taǵzym» sherýi kezinde qaýipsizdik sharalaryn kúsheıtýdi ardagerler keńesi ótinish túsirgen.
7-9 mamyr aralyǵynda Almatyda kóptegen mádenı buqaralyq is-sharalar josparlanǵan. Sonymen qatar, merekege oraı dástúrli sherý uıymdastyrylady. Bul sharalarǵa 115 myńdaı adam qatysady.
Osyǵan baılanysty polıtsııa jeke quramy kúsheıtilgen qyzmet rejimine kóshedi.
Sap túzegen sherýshilerdi polıtsııa qaraılap júredi.
«2016 jyly Nıtstsada bolǵan terakti oqıǵasy kópshilikti shoshytqany ras. Júk kóliginiń júrgizýshisi adamdardy taptap baryp, beton qorshaýǵa soǵylǵan. Osyndaı teraktilerdiń aldyn alý úshin birqatar shara aldyn ala qabyldanady», - dedi basqarmadan.
Polıtsııa qoǵamdyq tynyshtyqty buzatyn tulǵalardy Qazaqstan zańnamasy boıynsha barynsha jazalanatynyn habarlady.
