Polıtsııa Semeıde qarý qoldanǵan adamnyń kim ekenin anyqtady
ÓSKEMEN. QazAqparat - Polıtsııa Semeıde qarý qoldanǵan adamnyń kim ekenin anyqtady. Endi ony ustaý boıynsha sharalar qolǵa alyndy, dep habarlaıdy QazAqparat.
ShQO Іshki ister departamentiniń baspasóz qyzmetiniń habarlaýynsha, «Qastandyq jasaý» áreketi boıynsha sotqa deıingi tergeý jumystary bastaldy.
Málim bolǵanyndaı, polıtsııa bólimine atys qarýynan jaraqat alǵan 22 jasar jigit kelip kómek suraǵan. Qurylys-jóndeý jumystarymen aınalysatyn jaýapkershiligi shekteýli seriktestikteriniń biriniń aýmaǵynda jumysshylar arasynda janjal shyqqan. Onyń barysynda 38 jastaǵy er azamat jas jigitti myltyqpen atyp, jaraqattaǵan.
Qazirgi tańda qarý qoldanǵan azamatty ustaý boıynsha barlyq sharalar qarastyrylýda. Atalmysh iske qatysty ózge málimetter jarııalanbaı otyr. Belgilisi - jaraqat alǵan adamnyń ómirine qaýip tónip turǵan joq. Iyǵynan jeńil jaraqat alǵan oǵan barlyq qajetti medıtsınalyq kómekter kórsetildi.
