Polıtsııa Ramıl Mýhorıapovqa qatysty isti toqtatty
«Almaty qalalyq polıtsııa departamentiniń Tergeý basqarmasy Qylmystyq kodekstiń 174-baby 1-bóligimen tirkelgen qylmystyq is boıynsha sotqa deıingi tergeý amaldaryn júrgizdi. Sotaldy tergeý nátıjeleri boıynsha qylmystyq qýdalaý organy qylmystyq quqyqbuzýshylyq quramy bolmaýyna baılanysty qylmystyq isti toqtatý týraly sheshim shyǵardy. Bul sheshim QR Qylmystyq is júrgizý kodeksiniń 2-tarmaǵy 35-baby 1-bóligi boıynsha qabyldandy. Almaty prokýratýrasy qabyldanǵan is júrgizý sheshimimen kelisti», - dedi Almaty qalalyq polıtsııa departamentinen.
Eske salsaq, buǵan deıin Bas prokýrordyń orynbasary Áset Shyndalıev til máselesi boıynsha qoǵamnyń synyna ilikken kásipker Ramıl Mýhorıapovqa qatysty pikir bildirdi.
Qazaqstandyq kásipker Ramıl Mýhorıapovtiń elimizge kelgen sheteldiktermen kezdesýinde qazaq tiline qatysty aıtqan sózi áleýmettik jelide daý týǵyzdy. Keıinnen ol óz sózine qatysty keshirim suraǵan bolatyn.
