Polıtsııa ózine qol salǵan almatylyq oqýshynyń isine qatysty jaǵdaıdy túsindirdi
NUR-SULTAN. QazAqparat – Almaty polıtsııasy ózine qol salǵan 8 synyp oqýshysyna qatysty istiń tergelip jatqanyn málimdedi, dep habarlaıdy QazAqparat tilshisi.
«Tergeý oqıǵa bolǵan kúni dereý qolǵa alyndy. Іsti Bostandyq aýdandyq Polıtsııa basqarmasy tergep jatyr. 8 synyptyń oqýshysy. Sumdyq jaǵdaı. Bala otbasynyń tuńǵyshy, odan bólek 3 balasy bar. Bolǵan jaıt týraly jurtshylyq biledi dep oılaımyn. Oqıǵa týraly birneshe kún boıy BAQ pen áleýmettik jelide aıtyldy. Іs qaralyp jatyr», - dedi Almaty qalasynyń Polıtsııa departamenti basshysynyń orynbasary Rýstam Ábdirahmanov tikeleı efır kezinde.
Eske sala ketsek, 27 qazanda sabaqtan tys ýaqytta Nazarbaev Zııatkerlik mektebiniń segizinshi synyp oqýshysyna qatysty qaıǵyly jaǵdaı boldy.
Bostandyq aýdandyq polıtsııa basqarmasy isti QR QK-niń 105-baby «Óz-ózine qol jumsaýǵa jetkizý» boıynsha sotqa deıingi tergep-tekserýdiń biryńǵaı tizilimine tirkedi.
Keıin sýıtsıd jasaǵan oqýshynyń ata-anasy mektep basshylyǵyna, kýrator men psıhologqa eshqandaı shaǵymdary joq ekenin málim etti.
