Polıtsııa men Ulttyq ulan strategııalyq mańyzy bar ǵımarattardy baqylaýǵa alady
«Memleket tarapynan bul qadamdar azamattardyń múddesi men qarapaıym jurttyń densaýlyǵyn, ómirin saqtaý úshin jasalyp jatqanyn túsiný kerek. Koronavırýs aýyl-aımaqqa tarap ketpes úshin Nur-Sultan men Almaty qalalary karantınge jabylǵaly otyr. Karantındi eń aldymen komendanttyq saǵatpen shatastyrmaýymyz kerek. Ol degenimiz birqatar shekteý qoıylady degen sóz. Qazir eki qalanyń ákimdiginde barlyq júkteme bar. ıAǵnı búgin túngi 00.00-den bastap eki qalada karantın engiziledi», - dedi Nurdildá Oraz «Qazaqstan» ulttyq arnasyndaǵy «Ashyq alań» baǵdarlamasynda.
Mınıstrdiń keńesshisi sonymen qatar ІІM tarapynan birqatar statıstıkalyq málimetpen bólisti.
«Tótenshe jaǵdaıdyń engizilýine baılanysty respýblıka boıynsha ІІM-nen 8 myń polıtseı, Ulttyq ulannan 4 myń ásker belgilendi. Olardyń bári birinshiden strategııalyq jáne memlekettik mańyzy bar (qala men oblystar boıynsha 50-ge jýyq) ǵımarattardy baqylaýǵa alady. Patrýlder, jaıaý ásker - bári osy nysandarǵa jaqyndatylady», - dedi Nurdildá Oraz.
Nurdildá Orazdyń sózine sensek qazir juqtyrýy múmkin degen azamattardyń bári anyqtalǵan. Olardyń bárine polıtsııa qyzmetkerleri sanıtarlyq qyzmetkerlermen birge baryp, kúdikti bolsa densaýlyq saqtaý mekemelerine jetkizedi.
«Qazirgi tańda áleýmettik jelide jalǵan aqparat tarap jatyr. Osy aqparattarǵa baılanysty halyqty tek resmı málimetterge senýge shaqyramyz. Óıtkeni jalǵan aqparattyń bári birinshiden qoǵamdyq tártipti buzyp, ekinshiden turaqtylyǵymyzǵa syna qaǵýy múmkin. Sol sebepti osyny umytpaı, jalǵan aqparatty taratýǵa qylmystyq jáne ákimshilik jaýapkershilik qarastyrylatynyn eskerýimiz kerek. Máselen kúni keshe azamattardyń karantın aýmaǵynan qashyp ketý jaǵdaıy Túrkistan oblysynda tirkeldi. Almatyda juqtyrǵan azamattyń basqa qandaı adamdarmen baılanysqa túskeni jaıly aqparatty bermeýi sekildi oqıǵa boldy», - dedi ol.
Aıta ketsek keshe QR Premer-Mınıstri Asqar Mamınniń tóraǵalyǵymen QR Prezıdenti janyndaǵy tótenshe jaǵdaı rejımin qamtamasyz etý jónindegi memlekettik komıssııanyń otyrysynda Nur-Sultan jáne Almaty qalalarynda karantın rejımi engizý týraly sheshim qabyldanǵan bolatyn.
Eske sala ketsek, QR Densaýlyq saqtaý mınıstrliginiń málimetinshe, búgin Covid-19 indetiniń taǵy eki faktisi Almaty qalasynda rastalǵan. Búgingi tańda Qazaqstanda koronavırýspen aýyratyndar sany 35-ke jetti. Onyń ishinde 17 jaǵdaı - Almatyda, 18 fakti - Nur-Sultanda tirkelip otyr.