Polıtsııa men qoǵamnyń mádenıetin jańa tehnologııalar ózgertedi - Baǵdat Mýsın
«Polıtsııa qyzmetkerleri - halyqtyń bir bóligi. Olar bógde ǵalamnan ushyp kelgen joq. Olardy eshkim basqa elden alyp kelgen emes. Olar degen biz. Muny túsiný kerek. Mádenıetti «olardiki» nemese «bizdiki» dep bólýge bolmaıdy», - deıdi ol.
Baǵdat Mýsın óz sózinde shetelde kólik júrgizip júrip, alańǵa kirý kerektigin bilmeı, baıqamaı qalǵan bir kezde ǵana polıtsııamen betpe-bet kelgenin jazady.
«Ol kezde maǵan polıtsııa joldy kórsetip, ol jermen júrýge bolmaıtynyn eskertti. Oǵan qosa sát-sapar tiledi. Biraq bizde osyndaı ma? Eger bizde polıtsııa qyzmetkerleri buzylǵan zańǵa bir kún ǵana kóz juma qarasa, bizde tek bári ýshyǵa túsedi. Nelikten? Óıtkeni, halyq munyń bárin mádenıettiń damýy dep emes, buzýshylyqqa jol berý múmkindigi dep túsinedi...», - deıdi ol.
Sonymen qatar, Baǵdat Mýsın jeke ómirindegi birneshe mysaldardy keltiredi.
«Birinshisin aıtaıyn, HQKO-larda 5 mınýttyń ishinde qujatty bere qoıatyn apparatty qoımaǵansha, anyqtamany alý úshin adamdar para berýin doǵarmaıdy. Demek, adamdar ózderine kezeksiz, yń-jyńsyz erekshe qyzmet kórsetýin qalaıdy. Ekinshi mysal notarıýstarǵa qatysty. E-notarıat júıesi engizilgenshe de dál osyndaı jaǵdaı qaıtalandy. Demek, halyq amal tabýdyń jolyn qaıtalap, qashan da usynýǵa ázir turdy. Biz bul protsesterge avtomatızatsııany engizbeıinshe HQKO nemese Notarıaldyq júıeniń qyzmetkerleriniń túsinigi ózgermes edi degenge senimdimin. Halyq pen qyzmetkerler - tutas. Sen bir kúni shetelge baryp kelseń, bir ýaqytta bári de mańaıyńda ózgerip shyǵa kelýi kerek dep oılamaǵan jón», - deıdi ol.
Sondaı-aq, ol mádenıetti tehnologııalar ǵana ózgertetinin atap ótti.
«Máselen, Sergek kameralarynyń arqasynda aıyppulǵa ilikken avtobýstyń júrgizýshileri qazir tártipke baǵynyp keledi. Sondaı-aq, aıyppuldy túsirip alý boıynsha planshetti durys qoldana biletin polıtsııa qyzmetkeri bir zań buzýshy úshin 30 mınýtyn ketiretin, qazir ol aıyppuldy 3 mınýtta jazyp beredi. Álbette, eskertýlerdiń jumys atqarmaı turǵan ınstıtýtary da bar. Menińshe, ony durys avtomattandyrsa, ol da jumys istep ketedi. Tehnologııalardy engizý men olardyń keń aýqymda qoldaný polıtsııa men qoǵamnyń mádenıetin ózgertedi. (álbette, mektepten, tárbıeden bastaý da mańyzdy)», - dep túıdi Baǵdat Mýsın.