Polıtsııa mektep bitirýshi túlekterge jáne olardyń ata-analaryna úndeý jasady
Osy aptada elimizde «mektep bitirý keshteri» ótkizilýde.
Byltyrǵy jyldary túlekterdiń katysýymen ár túrli quqyq buzýshylyqtar oryn alǵan. Іs-sharalar ótkiziletin oryndarda quqyqtyq tártipti tıisinshe qamtamasyz etý úshin árbir oqý ornyna polıtsııa qyzmetkerleri jáne basshy quram qatarynan jaýaptylar bekitildi. Qoǵamdyq tártipti jáne jol qaýipsizdigin qorǵaýdy qamtamasyz etý maqsatynda polıtsııanyń patrýldik narıadtary kesh ótkiziletin oryndarǵa barynsha jaqyn ornalastyryldy, sondaı-aq jedel basqarý ortalyqtarynyń beınebaqylaý kameralary iske qosyldy.
Jalpy atalǵan is-sharalarǵa 7 myńnan astam polıtsııa qyzmetkeri jumyldyryldy.
– Ata-analardan jáne túlekterdiń ózderinen qoǵamdyq tártipti buzbaýdy, jol júrisi qaǵıdalaryn saqtaýdy, sý qoımasynda qaýipsizdik sharalaryn qabyldaýdy ótinemiz. Tárbıeshiler, ata-analar jáne kámeletke tolmaǵandardyń basqa da zańdy ókilderi is-shara aıaqtalǵanǵa deıin túlekterge turaqty baqylaýdy qamtamasyz etýi kerek. Qurmetti túlekter men olardyń ata-analary, bul mereke siz úshin tek jaǵymdy jaǵynan este qalýy kerek. Ózińizdi jáne jaqyndaryńyzdy saqtańyz, – dedi ІІM ÁPK basqarma bastyǵy Áset Ospanov.
