Polıtsııa Londondaǵy oqıǵalardy terrorlyq akti dep atady
ASTANA. QazAqparat - London polıtsııasy senbi keshke qalada bolǵan eki oqıǵany terrorlyq akti dep baǵalady. Bul týraly Bı-Bı-Sı agenttigi habarlady.
Brıtan astanasyndaǵy quqyq qorǵaý organdarynyń Týıtterdegi resmı paraqshasynda oqıǵalardyń terrorlyq akti dep baǵalanatyny jazyldy.
Brıtanııa premer-mınıstr Tereza Meı de Londonda bolǵan oqıǵa «terrorlyq akti» bolýy múmkin ekendigi jaıynda málim etti. «Tergeý jedel júrgizilýde», - dedi Meı.
Senbi keshke qaraı Londondaǵy shabýyldar saldarynan birneshe adam (zardap shegýshilerdiń naqty sany ázirge belgisiz) qaza tapty. Polıtsııa úsh kúdiktini izdestirýde.
London kópirinde fýrgon 80 km/s jyldamdyqpen kelip bir top jaıaý júrginshilerdi soqqan. 5-6 adam zardap shekken. Birneshe derekózi, kóliktiń oqıǵa ornynan ketip qalǵany jóninde jazýda.
Tártip saqshylary syrahana men meıramhanalary kóp «Boroý marketi» mańynda pyshaqpen shabýyl jasaǵandar týraly habar alǵan soń qarý qoldanǵan. Kóshedegiler men demalýshylarǵa belgisiz bireýler pyshaq ala júgirgeni týraly kýágerler kóp habarlaýda.
Voksholl aýdanynda taǵy bir oqıǵa bolǵan. Alaıda polıtsııa deregine sáıkes, ol basqa eki shabýylǵa baılanysy joq bolyp shyqty.
