Polıtsııa lıftiniń esigin syndyrmaq bolǵan almatylyqty izdep jatyr
ALMATY. QazAqparat - Almaty polıtsııasy turǵyn úı keshenderdiń birinde lıftiniń esigi men batyrmasyn teýip syndyrmaq bolǵan buzaqyny izdeıdi, dep habarlaıdy QazAqparat tilshisi.
Áleýmettik jelilerde er adamnyń lıftiniń esigi men batyrmasyn teýip jatqan vıdeosy paıda boldy . Onda oqıǵa Naýryzbaı aýdanyndaǵy «Premera» TK-de bolǵandyǵy aıtylady.
Óz kezeginde Almaty polıtsııasy bul fakt boıynsha «102» pýltine eshqandaı habarlama túspegenin málim etti.
«Soǵan qaramastan, kesheden beri Naýryzbaı aýdandyq polıtsııa basqarmasy bul faktini tekserip jatyr. Aldymen er adamnyń kim ekenin anyqtaıdy. Aldyn ala boljam boıynsha, ol osy úıde turady. Biz ony ákimshilik jaýapkershilikke tartamyz», - dep jaýap berdi polıtsııa.
