Polıtsııa qyzmetkerleriniń qatysýymen bolǵan jol-kólik apatynda 2 adam qaza bolyp, 3-ýi aýrýhanaǵa jetkizildi

ІІD-niń baspasóz qyzmeti habarlaǵandaı, qaza bolǵandardyń bireýi - azamattyq, qalǵandary - polıtsııa qyzmetkerleri bolyp shyqty.

Resmı málimetterge qaraǵanda, «VAZ-21214» markaly kólik pen «Toıota Mark-2» kóligi 15 maýsymda Qostanaı qalasyna baǵyt alǵan. Qyzmettik «Nıva» kóliginde Qushmuryn stansasy jelilik bólimshesiniń 4 polıtsııa qyzmetkeri men 1 azamattyq bolǵan. «Toıota-Mark-2» markaly kóliktiń ishinde Áýlıekól AІІB-niń 3 qyzmetkeri bolǵandyǵy anyqtaldy.

Qyzmettik «Nıva» kóligi alda kele jatqan. Aldyndaǵy kólikti basyp ozbaq bolǵan ınomarkanyń júrgizýshisi, Áýlıekól AІІB-niń qyzmetkeri kólikterdiń arasyndaǵy qashyqtyqty eskermeı, soqtyǵysqan. «Nıva» birneshe ret aýdarylyp ketken. 44 jastaǵy er adam oqıǵa ornynda kóz jumdy. «Nıvanyń» júrgizýshisi, 34 jastaǵy polıtsııa kapıtany aýrýhanada kóz jumdy. Jaraqat alǵan 3 adam Áýlıekól aýdanynyń ortalyq aýrýnasyna jetkizildi. «Toıota» markaly kóliktiń ishinde bolǵan adamdar jaraqattanbady.

Qosymsha tekserý basqarmasynyń basshysy Talǵat Qııaqbaevtyń sózine qaraǵanda, ınomarkany basqarǵan júrgizýshi ustaldy. Bultartpaý sharasy retinde qamaýǵa alý jóninde másele sheshilýde. Aldyn ala jasalǵan boljam boıynsha júrgizýshi jol qozǵalysynyń erejesin óreskel buza otyryp, durys qashyqtyqty tańdamaǵan. Sonymen qatar ol jyldamdyqty asyrǵan. Qylmystyq is qozǵaldy, saraptama belgilendi.