Polıtsııa qyzmetkerleriniń áskerı daıyndyǵyn arttyrý qajet - R. Muqashev
ASTANA. 19 qarasha. QazAqparat - Elimizde polıtsııa qyzmetkerleriniń áskerı daıyndyǵyn arttyrý qajet. Búgin Parlament Májilisinde Іshki ister mınıstriniń qatysýymen ótken Úkimet saǵatynda Zańnama jáne sot-quqyqtyq reforma komıtetiniń tóraǵasy Rahmet Muqashev osylaı málim etti.
«Іshki ister organdarynyń asa mańyzdy mindetteriniń biri lańkestikke qarsy qyzmet. Sońǵy jyldary terrorızmmen kúres isi elimizdiń barlyq quqyq qorǵaý organdary úshin aıtarlyqtaı salmaqty synaq boldy. Іri qalalarda uıymdastyrylǵan lańkestik aktiler serııasymen quqyq qorǵaý organdary alǵash ret betpe bet keldi. Óz ómirin qıyp, lańkesti toqtatqan polıtsııa qyzmetkeriniń qaısar erligi eshqashan umytylmaıdy. Alaıda, polıtsııa qyzmetkerleri qatarynan da, halyq arasynan da qurbandardyń bolýy daǵdarysty jaǵdaılardaǵy áreketterge polıtseılerdiń qyzmettik-urys ázirliginiń tómendigin bildirse kerek», - deıdi Zańnama jáne sot-quqyqtyq reforma komıtetiniń tóraǵasy Rahmet Muqashev. Osyǵan oraı, depýtat áskerı daıyndyqqa qatysty polıtsııanyń ázirligin arttyrý qajettigin alǵa tartty.
