Polıtsııa qyzmetkerleriniń 90 paıyzdan astamy vaktsına aldy
NUR-SULTAN. QazAqparat – Elimizdiń polıtsııa jáne qylmystyq-atqarý júıesi qyzmetkerleriniń 90 paıyzy koronavırýsqa qarsy vaktsına aldy. Bul jaıynda QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.
«Polıtseıler men qylmystyq-atqarý júıesi qyzmetkerleriniń 90 paıyzdandan astamy COVID-19-ǵa qarsy josparly vaktsınatsııadan ótti. Mınıstr Erlan Turǵymbaev bastaǵan ІІM basshylyǵy da vaktsına aldy. Elimizdiń bas polıtseıiniń aıtýynsha, jeke quramdy vaktsınatsııalaý osy jyldyń 6 naýryzynan bastap júrgizilýde jáne ishki ister organdarynyń barlyq fýnktsıonaldyq jáne aýmaqtyq bólimshelerin, onyń ishinde qylmystyq-atqarý júıesiniń uıymdaryn, ishki áskerler men ІІM oqý oryndaryn qamtydy», - dedi ol Іshki ister mınıstrliginiń baspasóz qyzmeti alańynda ótken brıfıng barysynda.
Onyń atap ótýinshe, polıtsııa qyzmetkerleri qylmystardy ashý jáne tergeý, oqıǵa oryndaryn tekserý, tergeý áreketterin júrgizý boıynsha qyzmet atqarady, joldardaǵy qaýipsizdikti qamtamasyz etedi, sondaı-aq sanıtarlyq beketterde qyzmet etedi. Budan basqa, medıtsına qyzmetkerlerimen birge karantındik sharalardy qamtamasyz etýge qatysady. Sondyqtan COVID-19 juqtyrý qaýpi bar.
