Polıtsııa qyzmetkerleri Jaıyq ózenindegi brakonerlerdi ustady
ATYRAÝ. QazAqparat - Atyraý ІІD sý polıtsııasynyń qyzmetkerleri qara ýyldyryq jáne bekire tuqymdas balyǵyn aýlaǵan brakonerlerdi ustady.
«Erkinqala aýyly mańynda «Yamaha-200» aspaly motory bar brakonerler qaıyǵyn ustadyq. Onda 1977 jyly týǵan oblys ortalyǵynyń úsh turǵyny boldy. Qaıyqtan 40 keli bekire tuqymdas balyqtar jáne 1 keli qara ýyldyryq, 170 keli ózge de balyqtar tabyldy. Ustaý faktisi Qylmystyq kodekstiń 335 baby - «Balyq resýrstaryn zańsyz aýlaý» boıynsha sotqa deıingi biryńǵaı tergeý reestrine tirkeldi.
«Bekire-2016» operatsııasynyń kúzgi kezeńi bastalǵannan beri sý polıtsııasy qyzmetkerleri 4 tonnadan astam balyq tárkiledi, onyń 80 kelisi bekire tuqymdas balyqtar. 13 qylmystyq is qozǵaldy», - dep habarlady Atyraý oblysy ІІD baspasóz qyzmetiniń basshysy Gúlnazıra Muhtarova.
