Polıtsııa qyzmetkerleri Jańa jyl túninde bolǵan adam óltirý qylmysyn ashty
ASTANA. 3 qańtar. QazAqparat - 31 jeltoqsannan 1 qańtarǵa qaraǵan túngi saǵat 3-terdiń shamasynda oryn alǵan otbasylyq kıkiljiń adam ólimimen aıaqtaldy,
dep habarlady Astana qalalyq ishki ister departamentiniń baspasóz qyzmetinen.
Oqıǵa ornyna shuǵyl arada jetken jedel tergeý toby Jańa jyldy qarsy alý barysynda ishimdikke sylqııa toıǵan erli-zaıyptylardyń arasynda janjal týyndaǵandyǵyn, sonyń saldarynan kúıeýi áıeline pyshaq jumsaǵandyǵyn anyqtady. Pyshaq jaraqatynan áıel oqıǵa ornynda kóz jumǵan.
Kúdikti tergeý amaldary barysynda jasaǵan qylmysyn moıyndady. Aıǵaq zat alyndy. QR QK 96 baby boıynsha qylmystyq is qozǵaldy.
Ustalǵan adam Astana qalalyq ІІD ýaqytsha oqshaýlaý abaqtysyna qamaldy. Tergeý amaldary júrgizilýde.
