Polıtsııa qyzmetkerleri «Mektepke jol» qaıyrymdylyq aktsııasyna belsendi qatysýda

NUR-SULTAN. QazAqparat – Polıtsııa qyzmetkerleri «Mektepke jol» qaıyrymdylyq aktsııasyna belsendi qatysyp jatyr. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

«Elimizde polıtsııa qyzmetkerleri «Mektepke jol» qaıyrymdylyq aktsııasyna belsendi qatysyp jatyr. Bul is-shara jańa oqý jylyna daıyndyq ýaqytynda jyl saıyn dástúrli túrde ótip keledi. Qyzmetkerler mektep jasynda bolǵanmen oqymaıtyn balalardy anyqtap, az qamtylǵan jáne kópbalaly otbasylardan shyqqan oqýshylarǵa, jetim, sonymen qatar ata-ana qamqorlyǵynsyz qalǵan balalarǵa, ómirlik qıyn jaǵdaıǵa tap bolǵan otbasylardan shyqqan balalarǵa qoldaý kórsetedi», - dedi resmı ókil.

Máselen, onyń dereginshe, Pavlodar oblysynyń Ertis aýdany polıtsııa qyzmetkerleri 2 kópbalaly otbasyǵa kómek kórsetti. Bir otbasyda 5 bala bolsa, onyń 4-eýi mektepke barady. Al ekinshi otbasynda 4 oqýshy bar.

«Polıtsııa qyzmetkerleri keńse taýarlarynyń tolyq jınaǵyn, mektep formasyn, aıaq kıim jáne tómengi synyp oqýshysyna qajetti ózge de mektep zattaryn satyp alyp berdi. Óz kezeginde balalardyń ata-analary polıtsııa qyzmetkerlerine shynaıy rızashylyǵyn bildirdi», - dedi Nurdildá Oraz.