Polıtsııa qyzmetkerleri kún saıyn 70 mas júrgizýshini ustaıdy - ІІM
NUR-SULTAN. QazAqparat – Polıtsııa qyzmetkerleri kún saıyn 70 mas júrgizýshini ustaıdy. Bul týraly QR ІІM Ákimshilik polıtsııa komıtetiniń basqarma bastyǵy Asqar Tájenov málim etti, dep habarlaıdy QazAqparat tilshisi.
Onyń atap ótýinshe, elimizde mas kúıde kýálandyrýdan ótýden bas tartqan kólik júrgizýshilerine jaýapkershilik engizilgen. 2020 jyldan bastap mundaı júrgizýshiler 8 jylǵa kólik júrgizý quqyǵynan aıyrylady
«Buǵan qosa, mundaı júrgizýshiler 15 táýlikke ákimshilik qamaýǵa alynady. Osy jyldyń 5 aıynyń ishinde elimizdiń joldarynda mas kúıde kólik júrgizgeni úshin 8,5 myńnan astam júrgizýshi ákimshilik jaýapkershilikke tartyldy. Bul polıtsııa qyzmetkerleri bir kúnde shamamen 70 mas júrgizýshini ustaıtyndyǵyn bildiredi», - dedi Asqar Tájenov ІІM baspasóz qyzmeti alańynda ótken brıfıng barysynda.
