Polıtsııa qyzmetkerleri bir aptada jasalǵan 1,5 myń qylmystyń izin sýytpaı ashty
ASTANA. Qarashanyń 27-si. QazAqparat /Rýslan Ǵabbasov/ - Bir aptada 1 900 qylmys jasaldy. Onyń ishinde 1 500-ge jýyǵy izi sýymaı, sondaı-aq buryn jasalǵan 346 qylmystyń beti ashyldy . Bul týraly búgin aptalyq brıfıngte ІІM Til saıasaty jáne aqparat departamentiniń bastyǵy Qýanyshbek Jumanov málim etti.
326 adam kúdikti retinde ustalyp, 13 qarý tárkilendi. «Sonymen qatar 140 esirtki qylmysy, onyń ishinde 21-i esirtki satý faktisi boıynsha, anyqtaldy. Jalpy alǵanda 179 keli esirtki zattary tárkilendi»,-dedi ol.
Atap aıtqanda Jambyl oblysy Merke aýdanynda 41 jastaǵy jergilikti turǵyn quryqtaldy. Odan satý maqsatynda daıyndalǵan 105 keli marıhýana tárkilendi. Sondaı-aq Qaraǵandynyń polıtsııa qyzmetkerleri arnaıy operatsııa barysynda jergilikti turǵynnyń páterinen 342 gramm geroın tapty.
