Polıtsııa qyzmetkerleri Astana qalasynda esirtki paıdalanatyn úsh júrgizýshini ustady - Astana qalalyq JPB
ASTANA. Tamyzdyń 9-y. QazAqparat /Murat Jákeev/ - Senbige qaraǵan túnde, tamyzdyń 7-sinde polıtsııa qyzmetkerleri mas kúıindegi 17 júrgizýshini quryqtady.
Bul týraly Astana qalalyq Jol polıtsııasy basqarmasynyń baspasóz qyzmeti habarlap otyr.
Olardyń ishinde esirtki paıdalanatyn Moldovanyń úsh azamaty da bar. Olar Qorǵaljyn tas jolynda quryqtaldy. Sonymen qatar, sol kúni polıtsııa qyzmetkerleri kólikti ortasha mólsherli mastyq kúıinde aıdap júrgen 25 jasar boıjetkendi de ustady.
Jalpy jyl basynan beri Astana qalasynda 2969 mas júrgizýshi ustaldy, onyń 2123-i kólikti mas kúıinde aıdaǵany úshin júrgizýshi kýáliginen aıyryldy. Olardyń kesirinen 6 jol-kólik oqıǵasy tirkelip, sonyń saldarynan 1 adam qaza tapty.
Astana qalalyq JPB taratqan málimet boıynsha, qazirgi kúni Astanadaǵy kóliktiń sany 206 myńnan asady.
