Polıtsııa qyzmetkerleri arasyndaǵy sybaılas jemqorlyqqa qarsy kúres bastalady
Bul týraly Іshki ister mınıstri Marat Ahmetjanov pen Sybaılas jemqorlyqqa qarsy is-qımyl agenttiginiń tóraǵasy Oljas Bektenovtiń kezdesýi barysynda belgili bolǵan.
«Buny aldymen sybaılas jemqorlyqtyń alǵysharttaryn joımaıynsha júzege asyrý múmkin emes. Ol úshin biz barlyq bólimshelerde ishki táýekeldik taldaýlar júrgizemiz», – dedi Ahmetjanov.
Sybaılas jemqorlyqqa qarsy qyzmettiń basshysy ІІM bastamasyn qoldap otyr. Polıtsııa qyzmetkerleri halyqpen tyǵyz baılanysta, sondyqtan turmystyq sybaılas jemqorlyqqa barynsha beıim. Ony joıý týraly Memleket basshysy birneshe ret aıtqan bolatyn.
«Biz ІІM-nen sybaılas jemqorlyqqa qarsy is-qımyl jáne halyqtyń eldegi qaýipsizdik pen quqyqtyq tártipti saqtaýda turǵan polıtsııanyń adaldyǵy men paraǵa satylmaıtyndyǵy týraly senimin qalyptastyrýda seriktes kórip otyrmyz», – dedi Bektenov.
Sonymen qatar polıtsııa Integrity check adaldyqty tekserýdi synaqtan ótkizýge nıetti. Bul shara kóptegen elderde sátti qoldanylady. Qazaqstanda ony engizý 2022-2026 jyldarǵa arnalǵan sybaılas jemqorlyqqa qarsy saıasat tujyrymdamasyn iske asyrý aıasynda kózdelgen. Qazirgi ýaqytta agenttik quqyqtyq negiz ázirleýde.
