Polıtsııa qyzmetkeriniń pogonyn julyp alǵan Aqtaý turǵynyna aıyppul salyndy
ASTANA. QazAqparat - Polıtsııa qyzmetkeriniń pogonyn julyp alǵan Aqtaý qalasy turǵynyna aıyppul salyndy, dep habarlaıdy lada.kz.
Polıtsııa qyzmetkeriniń ar-ujdanyna nuqsan keltirgeni úshin Aqtaý turǵyny Qylmystyq kodekstiń eki baby boıynsha jaýap beredi.
Aqtaý qalalyq sotynan habarlanǵanyndaı, zań buzǵan azamatqa QR QK-nyń 378 baby, 1 tarmaǵy (Qyzmetik mindetin atqarý kezinde bılik ókiline til tıgizý) jáne 379 baptyń 1 tarmaǵy (Bılik ókiliniń zańdy talabyna qarsylyq kórsetý) boıynsha aıyp taǵyldy.
Belgili bolǵanyndaı, 27 shaǵyn aýdannyń turǵyny oqıǵa kezinde mas bolǵan. Quqyq buzýshy polıtsııa qyzmetkerlerin qalyń kópshiliktiń kózinshe balaǵattap, beıádep sózder aıtqan jáne polıtsııa qyzmetkerleriniń biriniń pogonyn julyp alǵan. Er azamat kináli dep tabylyp, oǵan 30 AEK kóleminde, 68 myń 70 teńge aıyppul salyndy.
