Polıtsııa qyzmetkerine shabýyl jasaǵan Petropavl turǵyny ustaldy
PETROPAVL. QazAqparat – Petropavl qalasynda tártip saqshylary polıtsııa qyzmetkerine shabýyl jasaǵan er adamdy ustady, dep habarlaıdy QazAqparat.
Áleýmettik jelide Petropavlda polıtseılerge shabýyl jasalǵany túsirilgen vıdeo taratylyp jatyr. Oqıǵa «Voshod» jataqhanasynda oryn alǵan. Kadrlarda jas er adamnyń ózine jaqyndap kele jatqan tártip saqshysyn kórip, ózine pyshaq jaraqattaryn salyp, polıtseılerdi onymen qorqytyp jatqany kórinip tur. Sol mezette taspa obektıvine taǵy bir er adam túsip qaldy. Olar tártip saqshylarymen tóbelese bastady.
Polıtsııa departamentiniń baspasóz qyzmetinde oqıǵany túsindirip ótti.
«102» nómirine «Voshod» jataqhanasynda eki er adamnyń tóbeles shyǵarǵany týraly habarlama kelip tústi. Oqıǵa ornyna patrýldik polıtsııa batalonynan quralǵan qyzmetkerler jiberildi. Mán-jaıdy anyqtaý barysynda kúdikti er adam qarsylyq retinde quqyq qorǵaý qyzmetkerlerine qarsy kúsh qoldandy.
Atalǵan fakti Sot aldyndaǵy tergeýdiń Biryńǵaı tiziliminde «Tártip saqshysyna qatysty zorlyq kórsetý» qylmystyq baby boıynsha tirkelgen», - dep habarlady vedomstvonyń baspasóz qyzmetinen.
Petropavl qalasynyń 29 jastaǵy turǵyny ýaqytsha tergeý oqshaýlaǵyshyna qamaldy. Qajetti tergeý amaldary júrgizilip jatyr, olardyń qorytyndysy boıynsha zańdy protsessýaldyq sheshim qabyldanady.
