Polıtsııa qyzmetkerine qol kóterip, balaǵattaǵan zańgerler ustaldy
ALMATY. QazAqparat – Almaty qalalyq zańgerler alqasynyń múshesi polıtsııa qyzmetkerine mas kúıinde qol kóterdi, dep habarlaıdy QazAqparat tilshisi.
Almaty qalalyq PD málimetinshe, Memlekettik tirkeý nómiri joq «Nissan Qashqai» markaly kólikti patrýldik polıtsııa qyzmetkerleri Shalıapın kóshesiniń boıynda baıqady. Jeńil kólik toqtatyldy. Alaıda onyń ishinde otyrǵan eki er adam tártip saqshylarynyń zańdy talaptaryn oryndaýdan bas tartyp, qarsylyq bildirdi.
«29 jastaǵy júrgizýshi mas bolǵan. Ol tártip saqshylaryn balaǵattady. Al qasyndaǵy 1986 jyly týǵan onyń jolaýshysy patrýlge qarsy kúsh qoldandy. Polıtsııany basymen urdy. Kúdikti dereý ustaldy. Oǵan qatysty, qazirgi ýaqytta, QR Qylmystyq kodeksiniń 380-baby 3-bóliginiń 9-tarmaǵy – bılik ókiline qatysty zorlyq-zombylyq qoldaný týraly qylmystyq is boıynsha sotqa deıingi tergeý júrgizilip jatyr. Sonymen qatar, júrgizýshi – J.esimdi turǵynǵa qatysty QR ÁQbK-i 590-baptyń 2-bólimi, 612 baptyń 1 bólimi, 613 baptyń 4-bólimi, 476-baptyń 6-bólimi boıynsha əkimshilik hattamalar toltyryldy, materıaldar sotqa jiberildi. Kólik quraly arnaıy aıyppul turaǵyna qoıyldy», – dedi Almaty qalalyq PD Ákimshilik Polıtsııa basqarmasynyń basshysy Jandos Muratalıev.
Polıtsııa qyzmetekerine shabýyl jasaǵan adam – onjyldyq tájirıbesi bar Almaty qalasynyń zańgerler alqasynyń belsendi múshesi ekeni anyqtaldy.
