Polıtsııa qyzmetkerine qol kótergen pavlodarlyq ustaldy
ASTANA. QazAqparat - Oqıǵa Lebıaji aýdany Aqqý aýylynda oryn alǵan, dep habarlaıdy pavlodarnews.kz.
Bul týraly Pavlodar oblystyq ІІD baspasóz qyzmeti aqparat taratty.
Tıym salynǵan oryndarda adamdardyń shomylý faktileriniń jolyn kesý boıynsha birlesken is-sharalar ótkizý barysynda tártip saqshylary Ertis ózeniniń jaǵalaýynda aýyldyń kámelettik jasqa tolmaǵan úsh turǵynyn ustady. Ata-analarynyń qatysýymen ákimshilik quqyqbuzýshylyq týraly hattama toltyrý úshin tártip saqshylary balalardy turǵylyqty mekenjaılaryna alyp bardy.
«Ákesi, mas bola turyp, polıtseılerdiń balalaryn alyp kele jatqandaryn kóre sala, uryp-soǵyp, olarǵa bas saldy. Qyzmetkerlerdiń talaby boıynsha er adam dereý balalaryn úıine kirgizdi. Keıin, ol qaıtyp kelip, polıtsııa kapıtanyn moınynan julqylap, judyryryǵymen jelkesine bir soqty, sodan soń esikke qaraı ıtermeledi. Dárigerler polıtsııa kapıtanyna «Jabyq bas súıek- mı jaraqaty, bas mıynyń shaıqalýy, moıyn jaǵy jáne sol jaq shyntaq býynynyń soǵylýy» degen qorytyndy shyǵardy, - dedi baspasóz qyzmetinde.
Osy fakt boıynsha QR QK 380-baby 1-bólimi boıynsha sotqa deıingi tergeý jumystary bastaldy.
