Polıtsııa qyzmetkerine qol kótergen adam ustaldy

ALMATY. QazAqparat - Almatyda Arbat alańynda polıtsııa qyzmetkerleri buzaqyny ustady, dep habarlaıdy QazAqparat tilshisi.

Bul vıdeo áleýmettik jelide taralǵan bolatyn. Beınekadrda polıtsııa qyzmetkerleri qarsylasqan er adamnyń qolyn burap jatyr.

Qalalyq PD habarlaýynsha, oqıǵa Arbat alańynda keshki 19:00 shamasynda bolǵan.

«Sol jerde qyzmetin ótep júrgen polıtsııa qyzmetkerlerine turǵyndar kóshede mas adamnyń mazalaryn alǵandaryn aıtyp, shaǵymdanǵan. Tártip saqshysy bastapqyda oǵan aýyzsha eskertý jasaǵan. Alaıda dórekilik tanytqan soń, polıtsııa qyzmetkerleri ony ustap basqarmaǵa aparmaq bolǵan. Sol kezde er adam polıtseılerdiń biriniń betinen urǵan», - dedi Polıtsııa departamentinen.

QR QK 380-babynyń 1-bólimimen sotqa deıingi tergeý isi tirkeldi. Tártip buzýshy ýaqytsha oqshaýlaý ornyna qamaldy.

Ol buǵan deıin tonaýshylyq boıynsha birneshe ret qylmystyq jaýapkershilikke tartylǵan 25 jastaǵy Almaty oblysynyń turǵyny bolyp shyqty.