Polıtsııa qyzmetkerine qarýdy eskertýsiz qoldanýǵa ruqsat berý máselesi Májilistiń aldaǵy otyrystarynda sheshiledi
ASTANA. 20 maýsym. QazAqparat - Polıtsııa qyzmetkerine qarýdy eskertýsiz qoldanýǵa ruqsat beretin jańa zań jobasyna qatysty másele Májilistiń aldaǵy talqylaýlary barysynda sheshiledi.
Bul týraly búgin QR Іshki ister mınıstrliginde ótken kóshpeli otyrysta QR Parlamenti Májilisi Zańnama jáne sot-quqyqtyq reforma komıtetiniń múshesi, depýtat Nurlan Ábdirov aıtty.
Qarýdy eskertýsiz qoldaný máselesi zań jobasynda mindetti túrde jazylǵan baǵyt emes ekendigin basa aıtqan depýtat: «Jalpy, negizgi quqyqtyq baǵyt mynada, mindetti túrde qarýdy qoldanǵan kezde polıtsııa qyzmetkeri eskertý jasaýy kerek. Al endi shabýyl ústinde bolsa jáne ol shabýyl jeke adamǵa ári onyń ómirine, densaýlyǵyna qaýipti bolsa nemese polıtsııa qyzmetkerine qarsy jasalsa, onda sol kezdegi oryn alyp otyrǵan jaǵdaıǵa saı polıtsııa qyzmetkeri qarýdy eskertýsiz qoldana alatyndyǵy zań jobasynda jazyǵan», - dedi.
Jalpy halyq qalaýlysynyń atap ótýinshe, bul qazir talqylaý ústindegi áńgime, al onyń ári qaraıǵy sheshimi qalaı bolatyndyǵyn aldaǵy pikirtalastar kórsetedi.
N.Ábdirovtiń sózine qaraǵanda, bul zań jobasy zamanymyzdyń talabyna saı jasalyp otyr. «Birqatar ózgerister, usynystar aıtylýda. Onyń ishinde áleýmettik paket jóninde de bar. Osynyń barlyǵy da kúrdeli máseleler. Bizdiń polıtsııamyz zamanymyzǵa saı bolsyn desek, onda ózekti máselerdiń barlyǵynyń sheshimin tabýymyz kerek», - dedi depýtat.
