Polıtsııa qyzmetkerin óltirgen qylmysker qolǵa tústi
ASTANA. 2 aqpan. QazAqparat /Marlan Jıembaı/ - Polıtsııa qyzmetkerin óltirgen qylmysker qolǵa tústi. Bul týraly búgin elordadaǵy baspasóz máslıhatynda QR Іshki ister mınıstrliginiń resmı ókili Qýanyshbek Jumanov málim etti.
«Almatynyń krımınaldyq polıtsııa qyzmetkerleri polıtsııa qyzmetkerin óltirý qylmysyn ashty. Ótken jyldyń jeltoqsan aıynda Almaty qalalyq ІІD qabyldaý-taratý ornynyń 32 jastaǵy ınspektory pyshaq jaraqattarymen aýrýhanaǵa jetkizilgen bolatyn. Keshendi arnaıy is-sharalardyń nátıjesinde osy qylmysty jasaǵan 21 jastaǵy jergilikti turǵyn ustaldy.
Sondaı-aq tergeý amaldary júrgizilýde», - dedi resmı ókil.
